Тәуелсіздіктің 25 – жылдығына орай Павлодар қаласының № 45 сәбилер бақшасында ата-аналармен мереке өткізілді. «Бір шаңырақ аясында» іс-шаралар өткізу барысында жергілікті корреспондент мерейлік мерекенің маңыздылығына байланысты ата-аналармен блиц сұрақ-жауап өткізді.Іс-шара барысында қазақстандық ұлтжандылыққа, азаматтық сезімге, тәуелсіз тұлғаны тәрбиелеуге жас ата-аналардың назарын аударды.Балалармен тәжірибелік жұмыста қолданылатын жаңа технологиялармен танысуға мүмкіндік жасалды.Ағылшын және қазақ тілі мұғалімдері жұмыстарында қолданылған мнемотаблицалар ата-аналарға бір-бірін құттықтауға, өз ойларын диалог құрып жеткізуге, эмоцияларын білдіруге көмектесті. Ән-күй жетекшісі тірек сызбалар арқылы мемлекеттік Ән ұранын оңай жаттау тәсілін ұсынды.Психолог «Африкадағы жауын» тренингін өткізіді. Логопед мектеп жасына дейінгі балалардың тілін дамытуға арналған жаттығулар, демалу гимнастикасын ұйымдастырды.Іс-шара «Біз бірлікті жанұямыз» атты флешмобпен аяқталды. [caption id="attachment_566" align="alignleft" width="300"] Мастар - класс [/caption]