Жетекші орта білім беру мектебінде 25 қараша күні «Көңілді эстафета» атты спорттық сайыс өткізілді. Бұл сайыс бастауыш сынып апталығына орай ұйымдастырылды. Сайысты 1 «а» сынып мұғалімі Орынгазиева Гулназ ұйымдастырды. Спорттық сайыстың мақсаты: көңілді эстафеталық ойындар арқылы оқушылардың спортқа деген қызығушылығын арттыру болып табылады. Сайыс 6 кезеңнен тұрды. «Жалауды тез жеткіз», «Пингвин» сайысы, «Мұртты кенгуру», «Қаппен секіру», «Теннис шарымен жүру» және «Епті де, жүйрік» кезеңдері. Сайыста «Барыс» тобы жеңіске жетті. Сайысымыз өте көңілді өтті және барлық оқушыларға ұнады. Жеңімпаздар апталық соңында марапатталады.