Мың бір мақал, жүз бір жұмбақ Жетекші орта білім беру мектебінде 23 қараша күні «Мың бір мақал, жүз бір жұмбақ» сайысы өткізілді. Бұл сайыс бастауыш сынып апталығына орай ұйымдастырылды. Сайысты 4 «а» сынып мұғалімі Калискарова Арайлым ұйымдастырды. Сынып тақырыпқа сай өте көркем безендірілді. Бастауыш сынып оқушылары 5 топқа бөлініп сайысты. Бірінші кезеңде әр топ берілген тақырыпта мақал – мәтелді жалғастырды. Келесі кезеңдерде жұмбақтар шешті, тұрақты сөз тіркестерін тапты және мақалдарды жалғастырды. Барлық оқушылар белсене қатысты және оқушылардың қызығушылығын арттырды. Сайыста «Алғырлар» тобы жеңіске жетті. Жеңімпаздар апталық соңында марапатталды. Жазған: Жетекші мектебінің бастауыш сынып мұғалімі Орынгазиева Г.О.