Жазғы демалыстан кейінгі екі ай білім алып, тағы да өз білімімізді, бір жасқа есейіп, толықтырдық. Күзгі каникул күндері біз, 6 «А» сынып оқушылары, сынып жетекшіміз Б. Қ. Мұқышованың ұйымдастыруымен әрдайым бірге болып, көңілді өткіздік. 8 қарашада сынып оқушыларымен бірге Батырмолл сауықтыру орталығына барып, конькимен сырғанадық. Кейбір балалар енді конькиге тұрып жатса, 6 жасынан бастап коньки тебетін Жакиянова Аружан, Сағындық Малика, Байжұманов Али мәнерлеп сырғанауда шебер екендерін көрсетті. 9 қарашада «Жігер» балаларды дамыту клубына барып, караоке «вокал» үйірмесінде, ән айтып, өз өнерімізді көрсете алдық. Нәтижесінде сынып оқушылары Байжұманов Али мен Сағындық Маликаның ән орындау шебері жетекшіге ұнап, «Вокал» үйірмесіне жазылды. 10 қарашада мектеп спорт залында болған «Көңілді старт» ойынына қатысып, жүлделі ІІ орынға ие болдық. Сынып оқушылары белсенділік танытып, жанкүйерлер қолдау жасады. Күзгі каникул бәріміздің ойымыздан шықты. Дем алып, күш жинап ІІ тоқсанға білек сыбана кірістік.