«Мен – өз елімнің патриотымын»
2016 жылғы 1 қыркүйекте жаңа оқу жылының басталуы оқушылар үшін өте маңызды болды. Біреулер үшін бұл мектеп өміріндегі алғашқы қадам болса, екіншілер, яғни 11 сынып оқушылары үшін бұл мектеп қабырғасында оқушы болып атануының соңғы жылының бастауы. Биылғы жылы да дәстүрлі түрде білім күні мектеп алаңында барлық сыныптар үшін мерекелік салтанатты жиын өткізілді. «Мәңгілік ел» патриоттық акт шеңберінде «Мен – өз елімнің патриотымын» бірыңғай Білім сабағы барлық сыныптарда өткізілді. Жалпыұлттық келісімнің ерекше үлгісі ретінде «Мәңгілік Ел» жалпыұлттық идеясын алға тарта отырып, Еліміздің Президенті Н.Ә. Назарбаев ұлттың біртұтас болашағын қалыптастыру бойынша негізгі бағыттарды анықтады. Патриоттық акті барша қазақстандықтарды Мәңгілік Елдің мызғымас Жеті тұғырын нығайтуға, сақтауға және ұрпақтан ұрпаққа аманат етуге шақырады, олар: Тәуелсіздік және Астана, Жалпыұлттық бірлік, бейбітшілік пен келісім, Зайырлы Мемлекет және Жоғары Руханият, Инновация негізіндегі тұрақты Экономикалық Өсім, Жалпыға Ортақ Еңбек Қоғамы, Тарихтың, Мәдениет пен Тілдің ортақтығы, Ұлттық қауіпсіздік және Қазақстанның жалпы әлемдік және өңірлік проблемаларды шешуге жаһандық тұрғыдан қатысуы.