Қызықты конференция
Қарашаның жиырмасы күні №2 жалпы орта білім беру мектебінде қаламыздағы «сарыарқа Самалы» газетінің тілшілерімен қызықты да тамаша конференция өтті. Конференцияда ұлттық тәрбие, салт-дәстүрге байланысты тіл саясаты жөнінде мәселелер қозғалды. Аға буын өкілдері ұлттық құндылықты жоғалтпауды, тілді құрметтеуге- ең басты мәселе екенін ашып айтты. Ғаламтордан оқушылар қандай ақпарат алып отыр. Ата –аналар мен мұғалімдерге оны бақылау қажет екендігі жайлы ескертулер жасалды. Ғаламтордың кейде оқушыға зиян әсерлерін деатап өтті. Оқушылар журналист мамандығына қызығушылық танытып, көптеген сұрақтар қойды. Сурет көрмесі ұйымдастырылды. Сурет көрмесі «Қазақ хандығының 550 жылдығы» және «Қазақстан және ғарыш» тақырыбына арналған. Сурет тақтасына ілінген шығармашыл жас ұрпақтың қылқаламмен салған әдемі суреттері, жүректерінен шыққан сырларын, әсем үндерін паш етті. Осы суреттер арасында төрт оқушының еңбегі ерекшеленіп, «Сарыарқа Самалы» редакциясы атынан алғыс хаттар берілді. 
