Елбасының «Болашаққа бағдар: рухани жаңғыру» мақаласында көрсетілген басты мәселелердің бірі – ұлттық код, ұлттық ерекшелік, ұлттық құндылықтар екендігі белгілі.  Бүгінгі күні  ұлттық болмысымыз бен төлтума мәдениетімізді, рухани құндылықтарымызды сақтап, жаһандану үдерісінде бет-бейнемізді жоғалтпай жас ұрпаққа ұлттық құндылықтарымызды сабақтастықпен жеткізу - біздің борышымыз. Бұл борышты орындауда саз әлемінде өзіндік орны бар Дүкенбаев Назымбек Сабитұлының еңбегін ерекше атап өтуге болады. Назымбек Сабитұлы талай жылдардан бері біздің облыстың ән өнері - музыка саласына зор үлес қосып, балабақша бүлдіршіндерінен бастап, жоғарғы оқу орындарының студенттеріне дейін Отан сүйгіштікке баулитын ондаған ән шығарды. Осы сала бойынша оқулық кітаптар жазған, жүздеген жасқа музыка саласынан тәлім-тәрбие беріп, үлкен өмірге қанат қақтырған қадірменді ұстаз.