Білім алушыларда Ұлт Көшбасшысының Қазақстан Республикасының тәуелсіз мемлекет болып қалыптасуы мен дамуындағы рөлі туралы түсінік қалыптастыру және оқушылардың бойында қазақстандық патриотизмді, бейбітшілікті, ұлттық келісімді, белсенді азаматтық ұстанымды, көшбасшылық қасиеттерді тәрбиелеу мақсатында мектебімізде ашық тәрбие сағаты өтті. Тәрбие сағатын тарих мұғалімі Қанағат Советұлы Ергалиев дайындап, өткізді. Ашық сабақ қонақтары: Республикалық Білім айнасы газетінің Павлодар облысы бойынша тілшісі Молдаш Айгүл Тұрсынқызы және Павлодар қаласы білім беру бөлімінің қызметкері Назира Сайдилленқызы Сабитова. Ашық сабақ «Жүзден жүйрік» сайысы түрінде өтті. Елбасы Н.Ә.Назарбаевтың қызметінің барлық жақтары, оның ішінде өмірбаяндық деректері бойынша бейнеролик көрсетілді.