ИнЕУ-де мектеп директорлары арасындағы алғашқы дебаттық турнир өтті. Барлық өңірден жас басшылар жиналды. Қызу пікірталасқа барлығы 17 команда қатысты. Пікірталас дәстүрлі форматта өтті — Британдық парламенттік. Турнир үш кезеңнен тұрды және ол ең алдымен бірінші басшылардың, атап айтқанда мектеп директорларының кәсіби және жеке қасиеттерін дамыту үшін жағдай жасауға бағытталған. Дебат турнирі екі күн өтті. 

Пікірталас турнирінің қорытындысы бойынша Павлодар қаласының "Масона" командасы бас жүлдені жеңіп алды. Оның құрамында мектебіміздің басшысы Мұхтар Дастан Бекболатұлы және №1 ЖОББМ директоры Азамат Сыздықов болды. Құттықтаймыз!

Осындай шараны ұйымдарған Павлодар облысы білім беруді дамыту инновациялық орталығына алғыс білдіреміз!