2017 жылдың 22 тамыз бен 22 қыркүйек аралығында өткізілетін «Тілдер айлығы» облыстық іс-шаралар шеңберінде мемлекеттік тілді құрметтеу, дәріптеу мақсатында Павлодар қаласының № 6 жалпы орта білім беру мектебінде 2017 жылдың 13 қыркүйек күні оқушыларға арналған «Бір ел – бір кітап» атты С.Торайғыровқа арналған әдеби музыкалық сәт кеші өтті.
Бұл іс-шараны С.М. Арынова, А.Т. Курбанова – қазақ тілі мен әдебиет пәнінің мұғалімдері ұйымдастырды.
Осы іс-шарада С.Торайғыровтың өмірі мен шығармашылығы туралы видеофильм, слайдтар көрсетілді. Кітап көрмесі назарларыңа ұсынылды. Кеште ақынның орыс және қазақ тілінде өлеңдері мәнерлеп оқылды. Іс-шараның соңында оқушылармен викторина өткізілді. С.Торайғыровқа арналған әдеби музыкалық сәт кешінен балалар ақынның өмірі мен шығармашылығы туралы көптеген қызықты мәліметтер білді.