2020 жылдың 18 ақпанында №6 ЖОМ  қазақ тілі мен әдебиет мұғалімдерінің ӘБ қазақтың ұлы ақыны Абай Құнанбайұлының туғанына 175 жылдығына  арналған  іс-шаралар аясында  «Ұлы халықтың  – ұлы Абайы» атты іс-шарасы ұйымдастырылды. Іс – шараны өткізудегі мақсатымыз – кейінгі ұрпақтардың бойында Абайдың туындыларына деген қызығушылық пен құрметті арттыру, бұл ұлы тұлға біздің отандасымыз, біздің мақтанышымыз екендігін дәріптеп, Абай Құнанбайұлының  шығармашылығы мен өмірбаяны туралы білімін тереңдету, сонымен қатар өскелең ұрпаққа Абай туындыларының мәнін жеткізу, оқушыларды  отан сүйгіштікке тәрбиелеу, туған еліне және жеріне деген махаббатын ояту болып табылады. Іс – шарада  оқушылар өздерін жан-жақты көрсетті. Сонымен қатар ақын туындыларынан «Көзімнің қарасы» әні, қазақ күйлерінен домбырада «Балбырауын» күйі орындалды, өлеңдері қазақ, орыс, ағылшын, корей тілдерінде  жатқа айтылып, қазақ тілі мен әдебиет мұғалімдері  Абайдың  «17» қара сөзін  қойылым ретінде көрсетті.