«Алтын адам» атты көрмені тамашалауда
2016 жылдың 2 қыркүйегінде №7 ЖОББББМ-нің 5 «А» және 5 «Б» сынып оқушылары Потанин атындағы мұражайға «Алтын адам» атты көрмені тамашалауға барды. Бұл «Алтын адам» атты көрме Астана қаласының Ұлттық музейінен Павлодар қаласына әкелініп отыр. Қаламызда қыркүйектің 2-4 аралығына дейін болады. Шолу жасаушы барған оқушыларға Алтын адам жайлы көптеген мағлұматтар берді. Оқушылар қызыға тыңдап, ой бөлісті. Қазақстан Республикасының Тәуелсіздігінің 25 жылдығына орай орайластырылған бұл көрменің оқушыларға берері мол. Және де Алтын адам жәдігері Қазақстан Республикасының басты символының бірі болып табылады. Соңында оқушылар көрме жанында естелік фотоға түсті.