18 наурыз күні Наурыз мерекесін тойлауға арналған мектепішілік "Төрлет әз-Наурыз" атты мерекелік кеш болып өтті. Армысыздар, құрметті қонақтар! Ұлан ғайыр қазақ жерінде, Сарыарқаның төрінде Ұлыстың ұлы күні Наурыз мейрамын қарсы алуға шақырамыз! Ұлыстың ұлы күні – Наурыз мейрамы құтты болсын! Мәңгілік ел... Мәңгілік Қазақстан... Ата бабаларымыздың мәңгілік арманы, мәңгілік аңсары болатын. Ертеңгі ай маңдай күннен үмітті біздің елдің ұраны да, жыр-әні де сол болуға тиіс деген жолдармен басталған мерекелік кеште мектептің өнерлі жастарының қатысуымен ән мен жырдан шашу шашылып, мың бұралған қыздардың билері тамашаланды. Қазақ тілі апталығының шеңберінде өткен іс-шаралардың ішіндегі ең үздіктері қайтадан қонақтар мен ұстаздар қауымына тамашалауға ұсынылды.