6, 7 сынып оқушылары Ұлы Отан соғысының ардагері Баяндин Кабдешпен кездесу өткізді. Ардагер өз өмірі туралы айтты. Соғыс басталған кездегі бұғанасы қатпаған 12 жастағы жас бала Новосібір қаласынынң қасындағы әскери зауытта жұмысқа тұрады. «Бәрі майдан үшін, бәрі жеңіс үшін» деген ұран бала жүрегіне демеу береді. Содан тек 1946 жылы ғана еліне қайтады. Қабдеш ата бейбіт өмірде де өз орнын табады. Білім алып, түрлі шаруашылық - партиялық қызметтерде еңбек сіңіреді. Міне, 17 жыл ардагерлер қоғамында өзі секілді ардагерлер мәселерімен айналысып келеді. Бірінің тұрмыс жағдайын шешсе, енді біріне медициналық көмек алуға, демалуына жағдай жасаумен айналысады. Жас ұрпақ осындай кездесулерден көп сабақ алады. Өмірде көргені, көңіліне тергені көп қария оқушыларға тілектерін айтып, аталық батасын берді. Оқушылар ардагерге ұзақ ғұмыр тілеп, естелік суретке түсті.