27 сәуір күні Павлодар қаласының Назарбаев Зияткерлік мектебінде инновациялық технологиялар мен робототехникадан VI чемпионат аясында «World Robot Olympiad-2019» атты облыстық сайыс өтті.

  World Robot Olympiad - бүкіл әлемнің командалары қатысатын робототехника бойынша ең ірі әлемдік жарыс. Олимпиада LEGO жиынтығынан роботтарды құрастыру және бағдарламалау, сондай-ақ жаңа технологиялар мен ақылды құрылғыларды жасау бойынша үш пәннен өтеді. WRO - ға қатысу үшін оқушылардан конструкторлық дағдылар мен әртүрлі бағдарламалау тілдерін білу қажет.  Әр номинацияда бірнеше жас санаты бар. Ең кішісі 10 жасқа дейінгі, ал үлкендері 19 жасқа дейінгі балаларға арналған.

  Біздің мектептен 3 оқушы қатысты: Амангелді Ерсұлтан (7"А"), Қабиолдаев Ертас (8"Б"), Инсебаева Лейла (6"Б"), жетекшісі - Баядилова Әсем Қанатқызы.

  Осы олимпиадаға қатысу барысында оқушылардың еліміздің Президенті Қасым-Жомарт Тоқаевпен кездесіп, робототехникадан өз білімдері мен дағдыларын көрсетуге мүмкіндіктері болды.