25 қазан күні Павлодар қаласының №7 ЖОББББМ мектебінде облыстық деңгейде  «Рухани жаңғыру» бағдарламасы аясында, Ұлы ақын Абай Құнанбайұлының 175 жылдығына орай «Абай – дана, Абай – дара қазақта» атты әдеби-сазды кеші өтті. Әдеби-сазды кештің мақсаты: Қазақтың бас ақыны, ұлы дана, ойшыл, сазгер Абай Құнанбаевтың мол мұрасын мектепішілік насихаттау; оқушының бойына ақыл мен парасатты, сөз құдіреті мен көркемсөздің мәйегін сіңіру;  қанымызда бар шешен де тауып шебер сөйлеу мәдениетін ұрпақ бойынан көру. Ұлыларымызды құрметтеу, солар арқылы оқушы бойына мақтаныш сезімін тудыру, даналардың даралығын бағалау, қастерлей білуге баулу.

         Бұл кешке мектеп мұғалімдері мен оқушылары белсене атсалысты. Кеш барысында Абай ізінің кіршіксіз ақ жүрегін тербеткен сансыз ойларын тамаша шығармалары мен жалынды жырларын  2-4 сынып оқушылары ақын өлеңдерін жатқа оқыды. 3 «А» сынып оқушысы Нұрахмет Жалғас «Көзімнің қарасы» әнін орындаса, 6 «Б» сынып оқушысы Кеңес Жансая Нұрғиса Тлендиевтің «Жекпе-жек» күйін орындап берді. Кеш соңы бастауыш сынып мұғалімдерінің орындауындағы  «Желсіз түнде жарық ай» атты әнімен аяқталды.

№7 ЖОББББМ мектебінің бастауыш сынып мұғалімі Лашын Ганибалқызы.