Қараша айының 1- ші  жұлдызы күні Павлодар облысының Оқушылар сарайында "Жас Ұлан" және "Жас Қыран" қатарына қабылдау рәсімі өтті. Салтанатты түрде қабылдауға Қазақстан Республикасы Парламенті Сенатының төрағасы Дариға Назарбаева және де Павлодар облысының әкімі Болат Жұмабекұлының қатысуымен болды. Павлодарлық  мектеп оқушылары, соның ішінде 7 ЖОББББМ мектебінің оқушылары салтанатты түрде "Жас Ұлан" және "Жас Қыран"қатарына қабылданды. Дариға Нұрсұлтанқызы балалар мен жасөспірімдер ұйымының жаңа көшбасшыларына галстуктер байлады. Жетпістен астам оқушылар Отанға деген адалдық, үлкендерді құрметтеу, табиғатқа ұқыпты қарау туралы ант берді. 7 ЖОББББМ мектебінің ,сонымен қатар "Жас Ұлан" балалар ұйымының белсенді мүшесі Аружан Оспанова кездесуден алған әсерлерімен бөлісті: " Бүгін маған Дариға Назарбаева галстукті өзі байлады. Қуанғаным соншалық , тұла – бойым бір түрлі сезім кештім.  Мен үшін бұл үлкен жауапкершілік. Бұл галстукты Дариға Назарбаеваның айтып кеткеніндей, бұл біздің ҚР-ның көк тууының бір бөлшегі, ашық аспанымыздың символы ретінде қараймын. Ендігі кезекте  маған жүктелген үмітті  ақтауға тырысамын".