Қазақстан Республикасының Тұңғыш Президенті күні мерекесі қарсаңында 2012 жылдың 29 қараша күні №12 жалпы орта білім беру мектебінде салтанатты түрде Президент кабинетінің ашылу рәсімі өтті. Салтанатты рәсімде Қазақстан Республикасының Мемлекеттік Гимні ойналды. Мектебіміздің директоры «Елбасы мәртебесі – ел мәртебесі»,- деп өзінің құттықтау сөзін жеткізді. Салтанатты рәсімге мектеп ұстаздары мен оқушылары қатысты. Елбасы жайлы бейнебаян көрсетілді. «Елін сүйген, елі сүйген – Елбасы» атты көрме ұйымдастырылып, соңы оқушылардың шағын концертімен ұласты. Әр мектепте Президент кабинетінің ашылуы үлкен мәртебеге ие болды. Алдағы уақытта Президент кабинетінде кездесулер мен концерттік кештер өткізіліп отырылады.