№14 жалпы орта мектептің Әскери Даңқ мұражайында Аңызға айналған генерал Иван Васильевич Панфиловтың басқаруында болған 316 атқыштар дивизиясы ерлігіне 76 жыл толуына орай Ерлік сабағы өтті. Бізге қонаққа №29 мектеп оқушылары келді.

Мұражай экскурсия жүргізушілері мақтаныш сезімімен Мұражайдың пайда болу тарихы туралы айтты. Олар да біздің мектеп оқушылары сияқты генерал И.В.Панфиловтың биографиясын толық үйреніп алған және оны қонақтарға өз деңгейінде айтып берді.

Мұражайға жауынгер-интернационалисттерді қонаққа шақыру дәстүрге айналған. Ауған соғысының ардагері оқушыларға «Біздің тарих беттерін біз ешқашан ұмытпауымыз керек. Сіздер, жас қазақстандықтар, алдыңғы ата-бабаларымыздан жасаған ерліктерін барлығын естеріңде сақтап, ұмытпауларың керек» деген сөздерін айтты.