2019 жыл 20.12 №14 ЖББОМ 8-9 сынып оқушы қыздары үшін «Ерте жүктілік алдын алу шаралары» атты әңгіме-кеңес жүргізілді. Әңгіме –кеңесті ЦСПППН «Шанс» медицина қызметкері- Становая Марина Александровна жүргізді. Марина Александровна әңгіме барысында қыз балаларға ерте жүктіліктің, түсік, қан аздық және т.б. денсаулықтарына тигізетін зияны жайлы нақтылы деректермен айтып берді.

      Сонымен қатар, ерте жүктілік бірқатар психологиялық күйзелістерге әкеліп соғатынын, оның арты ауыр жағдайға әкеліп соқтыратыны жайлы айтты. Марина Александровна ерте жүктілікті болдырмау жолдарын айтып берді. Қорыта келгенде мектеп директорының тәрбие ісі жөніндегі орынбасары Киргеева Г.К. тек өрекпітіп өз ақылымен жүрмей, барлық әрекетін ой елегінен өткізіп, өз өмірі мен тағдырына жауапты болуға шақырды.