"Жаңа жылдық ғажайыптар"- осындай атаумен Жаңа 2013 жыл қарсанында №20 лицей-мектебінің оқушылары мерекелік шараны өткізді. 8-11 сынып лицеистері тағы да өз шеберлігі мен таланттарымен таң қалдырды. Сахна төрінде жалынды испан биі, көз тартымды үнді биі өнер көрсетті.  Ең тартымдысы толық 11 М сынып оқушыларының орындауында флешмоб биі болды.  Мерекелік шараның шарықтау шегі Аяз Ата мен Ақшақардың және 2013 жылдың символы Жыланның келуі болды.  Оларға ең жақсы жаңа жылдық номерді таңдауға мүмкіндік берілді. Биылғы жылы таңдау 10 Қ сынып оқушысының номеріне түсті. Мектеп директоры Г.Т.Топанова барлық қатысушыларды мерекемен құттықтап, жеңімпаздарға грамоталарды табыстады.