Жалпыреспубликалық ата-аналар жиналысы
22 мамыр 2021 жыл Жалпыреспубликалық ата-аналар жиналысын өткізу тұжырымдамасы аясында Б.Момышұлы ат.ЖОББ мектебінде ата-аналармен кездесулер ұйымдастырылды.
Тақырыбы: "Оқу жылының қорытындысы туралы".
Ата-аналар жиналысының мақсаты: ата-аналарды 2020-2021 оқу жылының қорытындылары туралы хабардар ету. Эпидемиологиялық жағдайға байланысты: онлайн түрде өтті.
Кездесу барысында әрбір ата-ана барлық педагогтермен кездесіп, өзінің баласы туралы толық ақпаратты, оның пәндер бойынша үлгерімін, сабаққа қатысуын, сондай-ақ жетістіктері туралы ақпарат ала алды.
Ата-аналармен онлайн жиналыс екі бөлімге бөлінді.
1) сынып жетекшінің баяндамасы ( мәселелерін талқылау: 2020-2021 оқу жылының қорытындылары, оқу жылының соңындағы іс-шаралар (соңғы қоңырау, мектеп бітіру кеші), жазғы мектеп жұмысын ұйымдастыру, мектеп формасы мәселелері және т.б.).
2 бөлім - баланың үлгерімін толық талдауға мүмкіндік беретін ата-ана мен мұғалімнің жеке сөйлесуі.
Ата-аналар мұғалімдерден баласының пән бойынша үлгерімі, оның сабақтағы мінез-құлқы және т.б. туралы өз сұрақтарын қойды. Педагогтер ата-аналардың сұрақтарына өздерінің педагогикалық бақылауларына, оқушының қазіргі үлгерімі мен төртінші жиынтық бағалаудың нәтижелері бойынша жауап берді.
