6-сәуірде №22 жалпы орта білім беру мектебінде облыстық мұғалімдер біліктілігін арттыру институтыннан тәжірибе алмасу мақсатымен Бихиенова Қ. М. бастаған мектеп директорларының семинары өтті.

Семинарда мектеп директорының ғылыми-әдістемелік жұмыстары жөніндегі орынбасары Бекмурзинова Гаухар Әбуқызы мектептің алған бағыты, мақсаты мен міндеттері жайында және оқушыларға патриоттық тәрбие беруде атқарылып жатқан шаралар туралы, жеткен жетістіктері жайында баяндалды. Әдістемелік жұмыстарды жүйелі жүргізудің жолдары мен мектеп жұмысының рейтингісін анықтау көрсеткіштері, дарынды балалармен жұмыс жүргізудің әдіс-тәсілдері айтылды. Өткен бұл семинар Тәуелсіздігіміздің 20 жылдығына арналды.