Ұлы Жеңіс күні баршамыз үшін ең маңызды мерекелердің бірі. Мектебімізде бұл мерекеге арналған алғашқы әскери дайындық пәнінің мұғалімі Б.Қ. Түлековтің ұйымдастыруымен 8-10 сынып оқушылары арасында патриоттық- саптық әндер сайысы өтті. Бұл шараға ҰОС ардагерлері Аликов Рахымберді Жақиянұлы мен Жайыков Лука Николайұлы қатысып, ұстаздар мен оқушыларды қуантты. Оқушылар бұл шараға үлкен жауапкершілікпен қарап, өз біліктіліктерін жоғары дәрежеде көрсете алды. Әділдік көрсеткен әділ-қазы алқалары сыныптарға өз бағаларын беріп, алғыс айтып, марапаттады. Сайыс соңында құрметті ардагерлеріміз жас тарландарға  өз баталарын беріп, алғыстары мен тілектерін білдірді.