№22 жалпы орта білім беру мектебінде облыстық семинар өтті. Оған ПМБАИ мекемесіне курсқа келген бұғалімдер қатысты. Мұғалімдерге математика пәндері бойынша ашық сабақтар, сыныптан тыс жұмыстар ұсынылды.
  Ашық сабақтардың тақырыптары:
1) "Бірмүшелер мен көпмүшелер" (7 сынып)
2) "Математикалық сандық" ойыны (6А сыныбы, 6Б сыныбы)
  Мектеп директорының орынбасары және математика пәнінің мұғалімі Шарипова С.С "Бірмүшелер мен көпмүшелер" тақырыбына ашық сабақ берді. Сабақ ойлан тап, өзінді тексер, сергіту сәті мен қорытындылау кезеңдерінен тұрды. Таңымдық сұрақтар арқылы оқушылардың білім, білік дағдылары сараланды. өздік жұмыс арқылы оқушылар өз білімдерін бағалай алды. Жаңа технологияларды пайдалану арқылы оқушылардың математика пәніне деген қызығушылығын арттырды.Сабақ жүйелі түрде, жақсы дәрежеде өтті.

   "Математикалық сандық" ойыны. Сабақ өте қызықты өтті. Интерактивті тақта арқылы оқушылар ойынның әрбір кезенің экраннан тамашалап отырды. Сабақта пәнаралық байланыс та, танымдық сұрақтар да көп болды. Екі команда да белсенді қатысып, барлық тапсырмаларды орындай білді. Бір сөзбен айтқанда, сабақта ақпараттық технологиялар тиімді падаланылды.

Математика пәнінің мұғалімдері:  Тлеумбетова Д.Т, Смагулова М.Т