6 маусым күні Бауыржан Момышұлы атындағы №22 жалпы орта білім беру мектебінде орналасқан «Арай» баспасөз орталығының оқушылары жетекшісі Б.С. Мукашевамен Облыстық Халық радиоға саяхатқа барды. Радио жұмысшылары оқушыларды өздерінің жұмыстары туралы қызықты мәліметтер беріп, жұмыс орындарымен таңыстырды. Облыстық радионың негізі 1938 жылы қаланған. Алдында «Қазақ радиосы» деп аталған екен, бірақ жаңа атауы таңдау мақсатында байқау жарияланып, нәтижесінде облыстық радио «Халық» деп атанды. Облыстық радионың бас редакторы Ерсайын Ертісбаев. Радио ұжымында 30 адам еңбек етеді. «Халық» радионы ғаламтор арқылы да тыңдауға болады. Баспасөз орталығының балалары облыстық радио туралы көп қызықты мәліметтер алды. 7 маусым күні «Қазақстан-Павлодар» телеарнасына саяхат жасады. Телеарна жұмысшысы оқушыларға «Қазақстан –Павлодар» телеарнасының тарихымен таңыстырды. Балалар телеарнаның алғаш рет 1965 жылы ашылғаны , және 2015 жылы 50 жылдық мерейтойы болғаның білді. 50 жыл бойы телеарнада өзгреістер болған екен. Қазіргі уақытта тікелей эфирде «Дидарласу», «Көкейкесті», «Диалог в прямом эфире» жұмыс атқаруда. «Арай» баспасөз орталығы оқушылары телеарна студиясына кіріп жаңалықтар қалай жиналып, қалай эфирге шығатының өз көздерімен көріп , үлкен әсер алды. Мукашева Б.С. «Арай» баспасөз орталығы