Балалар  жазушысы Мүбәрәк Кәрімұлы Жаманбалиновтың 95 жыл мерейтойына арналған сайысымыз Бауыржан Момышұлы атыңдағы мектеп кітапханасында,  қарашаның  8-күні өтті. Бұл іс- шара  2 сыныптардын арасында «Балалар әдебиетінің бәйтерегі» атты тақырыпта өткізілді. Мақсаты: қазақ әдебиетіне сүбелі үлес қосқан ақын-жазушылар шығармаларын дәріптеп, оқушылардың кітап оқуға деген қызығушылығын арттыру. Сайыс барысында оқушыларға  5 «Б» сыныбының қыздары ақын-жазушының  өмірбаяны мен шығармашылығы жайлы мәлімет берді. Осы сайысқа іріктеліп келген , өнерге қабілеті бар 2 сынып оқушылары жаттап келген  өлеңдерін мәнерлеп оқып  берді. Мәнерлеп оқу өнері үшін оқушылар марапатталды. Кеш соңында кітап көрмесі бойынша библиографиялық шолу жасалды.Осы шараның кішкентай өткізушілері 4 "Д" сынып оқушылары Мусаханова Арайлым және Даниалов Бахтияр.  Әдеби кеш оқушылардың көңіліне жылы сезім ұялатып, есте қаларлықтай, ерекше жағдайда өтті.