Білім күні - жаңа оқу жылына арналған, алғашқы қоңырау салтанаты №33  орта мектебінде де өтті.

Таңнан бастап кент көшелерінен сәнді киінген, қолдарына гүл шоқтарын ұстаған оқушыларды көрмеу, байқамау мүмкін емес еді. 1 қыркүйек – айрықша мәні бар, айтулы білім күні. Балалар өмірінде кезекті оқу жылы басталды. Ол әсіресе, адамгершілік пен рухани байлықтың, білімнің негізін алатын, мектеп өмірінің маңызды кезеңі басталатын, бірінші сыныпқа баратындар үшін аса маңызды, ұмытылмайтын күн. 


Мектеп директоры Тайгулин Дәулет Амнкелдіұлы  алғашқы қоңырауға арналған линейкасына қатысып, педагогикалық  ұжымын, оқушыларды және олардың ата-аналарын білім күнімен құттықтады. Өткен оқу жылының жетістіктеріне ерекше тоқталып ҰБТ қорытындысы бойынша 14 орынға  көтерілгендігін  ерекше атап өтті. Олардың жақсы білім алып, Қазақстанның білікті азаматтары болуына барлық жағдайдың жасалып жатқанын естеріне салды. Қазір мектептердің материалдық-техникалық базасы жақсарып, қазіргі заманға сай қолайлы жиһазбен  қамтамасыз етілгенін де айтты. 


Қымбатты оқушылар! Ардақты ұстаздар! 1 қыркүйек – Білім күні құтты болсын! Сіздерге зор жетістіктер мен сәттіліктер тілейміз!