Павлодар қаласы Ленин кенті №33 ЖОМ 5 «А» сынып оқушылары «Қамқорлық» акциясына белсене араласып, өздерінің алғашқы мұғалімі, ардагер ұстаз – Дурманова Ануза Орханқызына келіп, құттықтауларын айтып, оқытып жатқан сынып оқушыларына көмектерін жасап, құрмет көрсетті. – «Осыдан былай ешқашан құрметімізді толастатпай жалғастыра береміз. Бізге жол көрсеткен ақылшымыз, данагөй асыл тұлғалар – ұстаздарымызды мәңгі құрметтеп өтеміз» - дейді олар. Ануза Орханқызы ризашылығын білдіріп, шәкірттеріне қарап бақытқа бөленді.