Павлодар қаласындағы № 35 жалпы орта білім беру мектебінде 2012 жылғы 24 қыркүйек күні әлеуметтік педагогтардың курс тыңдаушыларына арнап «Білім беру мекемелерінде тұлғаны әлеуметтендіру және әлеуметтік педагогтың құзыреттілігі» тақырыбында облыстық семинар өтті. Семинарға Павлодар облыстық ПМБАИ тәрбие ісі жөнінде кабинет меңгерушісі Ө.Эртисхан және облыстың 28 әлеуметтік педагогы қатысты.

        Семинар барысында МДТЖО Мырзагалиева Г.Ж. «Мектепте тұлғаны әлеуметтендіру- заман талабы» тақырыбында баяндама оқыса, мектептің психологтары Какимова Ж.Б. «Менің мамандықтағы образым», Ханафия М. «Қиын балалармен жұмыс жолдары» тақырыптарында тренингтер өткізді, мектептің әлеуметтік педагогы Шоманова Г.Н. «Мектептегі әлеуметтік педагогтың жұмыс жүйесі мен құзыреттілігі» тақырыбы төңірегінде өз тәжірибесімен бөлісті, құқық пәні мұғалімі, дебат үйірмесінің жетекшісі Жүніспаева Қ.Х «Қазақстан Республикасында бала еңбегін заңсыз пайдалануға тыйым салынған» тақырыбында дебат өткізді. Семинар соңы МДТЖО Н.Ж. Жомартованың және мектептің жас таланттары күшімен дайындалған «Біз Қазақстан болашағы» шағын концертімен аяқталды.

        Семинарға қатысушылар өз ризашылықтарын айтып, келешекте мектептің үлкен жетістіктерге жетуге тілектестіктерін білдірді.