Құттықтаймыз!

   2013 жылғы 4 қазан күні «Ұстаздар мерекесі» қарсаңында мектебіміздің мақтанышы 11«А» сынып оқушысы Жапар Жазира көп тұлпардан оза шауып, бәйге алды. Ұстаздар қауымына деген үлкен ризашылығын осы жетістігімен жеткізгендей.

   Осы күні Павлодар қаласы мәдениет және тілдерді дамыту бөлімінің ұйымдастыруымен өткен «Мәшһүр Жүсіп оқулары» қалалық конкурсында      І орынға ие болып, Диплом және бағалы сыйлықтармен марапатталды.

   Мәшһүр Жүсіп шығармаларын насихаттау мақсатында 15-35 жас шамасындағы талапкерлер арасында өткен бұл сайыс 4 кезеңнен тұрды.         I кезең - Мәшһүр Жүсіп Көпейұлына арнау өлең жазу; ІІ кезең - Мәшһүр шығармаларын жатқа оқу; ІІІ кезең - Мәшһүр Жүсіптің дін тақырыбындағы шығармаларының мазмұнын айту; IV кезең - Мәшһүр Жүсіп Көпейұлының өмірі мен шығармашылығына арналған викторина сұрақтарына жауап беру. Осы төрт кезеңнен де сүрінбей өткен Жазира ұлы ойшыл, ақын атасына  

                                         «Мәшһүр Жүсіп еңбектері,

                                          Баға жетпес қазына.

                                          Ұрпақ үшін қалдырған ол

                                          Өшпейтұғын ол мұра»

деп өлең арнады, Мәшһүр шығармаларын құрбылары мен мектептестеріне насихаттады.

   Біз, мектеп ұжымы Жазираның жеңісін шын жүректен құттықтап, әлі де биік шыңдардан көріне бер демекпіз!