2016 жылдың 11 мамыры №2 жалпы орта білім беру мектебінде қалалық «Өркенің өссін!» 7 сынып оқушыларының сайысы өткізілді. Мектебіміздің намысын Шоманова Гаухар Найманхақызы жетекшілік ететін 7 «а» сыныбының «Атамекенім» командасы қорғады. Оқушыларды қазақ тілі мен әдебиет пәнінің мұғалімі Манабаева Гүлбайрам Рахымқызы дайындады. Ал музыка жағынан Төлеубаева Айнұр Бахытқызы көмек көрсетті. Гүлбайрам Рахымқызының басшылығымен үш сыннан сүрінбей өткен сайыскерлер мектебімізге сайыстың Бас жүлдесін – Ауыспалы Кубокты алып келді. Өздерін таныстыруда оза шапқан, капитандар сайысында сүрінбеген, өз өнерін көрсетуде жұртты таңқалдырған мектебіміздің мақтаныштарына бұдан да үлкен жетістіктер тілейміз.