№35 ЖОББ мектебінде 22 қараша күні 7-сынып оқушылары арасында «Бала құндылығы – адамгершілікке бағытталған мұраттар» атты тәрбие сағаты өткізілді. Мақсаты – «Отбасы» құндылығы туралы түсініктер мен «Отбасы» туралы ұғымдарды кеңейту, оны сүйе білуге үйрету. Адамгершілік тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау. Пікір алмасу, психологиялық минут, сұрақ-жауаптан тұратын бұл шарада оқушылардың белсенділігі артты. Оқушылар бар ойын ортаға сала отырып, жылы сөздері мен тілектерін білдіре алды. «Отбасын қолдау қызметі» жоспары аясында ұйымдастырылған бұл шараға мектебіміздің аға тәлімгері А.М.Меденова мен әлеуметтік педагог А.Е.Мундуинова жауапты болатын.