Мұхтар Әуезов атындағы мектепте  «Мәңгілік ел - мәртебелі тіл» тақырыбында қазақ тілі мен әдебиеті бірлестігі апталығының ашылу салтанаты болды.

 

Апталықтың мақсаты - қазақ тілінің мәртебесін арттыру, оқушылардың тілге деген қызығушылықтарын оята отырып шығармашылық қабілеттерін дамыту.

 

Әдеби-музыкалық композицияда Мұқағали Мақатаевтың, Мұхтар Шахановтың, Сырбай Мәуленовтың шығармашылықтарын Республикалық, облыстық оқулардың жеңімпаздары Магарамова Айгюн, Семенов Никита, Абильдинов Дамир, Гайсин Игнаттың және Асылболатова Малика орындады. 

 

Қазақтың ұлттық аспаптары  – жетіген мен домбырада, Шишкина Анна, Алипов Санжар мен Рахат Мақсат қазақ халқының  күйлерін орындады. 

Мерекені ұйымдастырған А.Е.Камзина мен М.М.Қарабаева,  іс-шараның  соңында Нұржан Өмірбай мен Жарасхан Төлебайдың әніне жазылған «Мен қазақпын» әнімен аяқтады.

 

10 күн аралығында қазақ тілі мен әдебиеті мұғалімдері өздерінің  сабақтарында оқытудағы жаңа әдіс-тәсілдерді қолдану мен «Оқуға құштар мектеп» жобасын іске асырудағы тәжірибесімен бөліседі.