6 қаңтарда М.Әуезов атындағы мектепте ЖМЦ пәндерін ағылшын тілінде оқыту бойынша пилоттық мектептің шығармашылық тобының кезекті отырысы өтті. 

2022-2023 оқу жылында 322 гимназиялық сынып оқушысы ағылшын тілін пайдалана отырып, жаратылыстану-математика бағытындағы пәндер бойынша арнайы курстар оқиды. 

 

«Адам және табиғат», «Адам денсаулығын қорғау», «Павлодар маңындағы жануарлар мен өсімдіктер әлемі», «Түрлі ғасырлардағы ғалымдармен диалог», «Іргелі химия», «Қызықты физика» курстары бойынша 8 авторлық бағдарлама әзірленді. Екінші жыл информатика пәні бойынша «Мультимедия әлемі», «Объективті-  бағдарланған бағдарлау» курстары биімделіп өтілуде.

 

Шығармашылық топтың отырысында CLIL әдістемесін қолдану, сабақтардағы оқушылардың қызметін жандандыру, түрлі тақырыптарды зерделеу кезінде сөздік қорды байыту, түрлі цифрлық ресурстар мен заманауи компьютерлік бағдарламаларды қолдану бойынша пікір алмасылды.  2023 жылғы наурызда көрнекі сабақтар мен сыныптан тыс іс-шаралардың онкүндігі жоспарланған.