Алғашқы әскери техникалық дайындық пәнінің тәжірибелік бөлімін іске асыру мақсатында Павлодар қаласы мектеп оқушылары үшін әскери-далалық жиын ұйымдастырылды.

Іс-шара мақсаты - әскерге шақыруға дейінгі жасөспірімдердің күн тәртібі және әскери өмірмен танысу, тактикалық, оқ ату, сапта тұру дағдыларын дамыту, патриоттық тәрбие беру.

Әскери-далалық жиынға Мұхтар Әуезов атындағы мектептің 10 сынып оқушылары арасынан 15 жасөспірім аттанды. Балалар АӘД пәні мұғалімі Ю.С.Антоновпен бұл шараға болашақ Отан қорғаушылар дағдыларын ескере отырып нақтылы дайындалды. Сыныптас қыздардың шығарып салар кездегі жақсы тілек жазып ұсынған үшбу хаттары көңіл тебірентерлік көрініс болды.

10 сынып оқушыларына әскери-далалық жиынды абыроймен өтіп, жақсы әскери, физикалық дайындықтарын көрсете білулеріне тілектеспіз!