М.Әуезов атындағы ЖОББМ-нің мектепалды профильдік «Маржан сөз» лагері балаларды сабақтардың нағыз киіз үйде өтуімен қызықтырады.

Киіз үй мектептің ішінде жиналды. Қабырғалары киізбен жабылып, іші ұлттық нақышта безендірілген. Көрпе, дастархан, ыдыс-аяқ бар.

Үйірме жетекшісі қазақ тілі пәнінің мұғалімі Ақмарал Серікқызы Искакова балаларға қолайлы орта жасады. Киіз үйде балалар қазақ халқының мәдениетін, әдет-ғұрпын, салт-дәстүрін үйренеді. Мұнда ұлттық құндылықтарды дәріптеу, қолөнер бұйымдарын жасау, асық ату ойнау, ана тілін үйрену, домбыра үндері жиі естіледі.