Бүгін Мұхтар Әуезов атындағы жалпы орта білім беру мектебінде ата-аналар жиналысы өткізілді.

Жиналыстың бірінші бөлімінде ата-аналардың назарына 2023-2024 оқу жылының І жартыжылдығындағы сыныптардың оқу-тәрбие жұмысының қорытындыларына талдау ұсынылды. Ата-аналарға Қазақстан мектептеріндегі оқушылардың «Қазақ тілі» пәні бойынша 5-8,10-сынып оқушыларының жаңа форматтағы емтиханды тапсыратындығы жайлы ақпарат берілді. Ата-аналардың балалардың қауіпсіздігіне тікелей жауапкершіліктері туралы, балаларды отбасындағы зорлық-зомбылықтың алдын алу және қорғау механизмі туралы мәселе талқыланды.

Жиналыстың екінші бөлімі ата-аналар мектеп әкімшілігімен, пән мұғалімдерімен, психологпен, әлеуметтік педагогпен кездесіп, сұрақтар қойып, кеңес алу алаңдарда өтті.