Бүгін Мұхтар Әуезовтің мектебінде «СӨС» орталығының жұмысы аясында белгілі спортшы, жеті дүркін әлем чемпионы, ММА бойынша Қазақстанның тоғыз дүркін чемпионы, «Domnich team» командасының жаттықтырушысы, мектебіміздің түлегі Домнич Аликпен кездесу өтті.

Спортшы оқушыларға өзінің қалыптасуы, аралас жекпе-жек жарыстарына дайындалу және қатысу ерекшеліктері, салауатты өмір салтын ұстану қажеттілігі, дұрыс тамақтану және спорт пен күнделікті өмірде жоғары нәтижелерге қол жеткізу үшін жаттығу режимі туралы айтып берді.

Алик өзінің үлгісімен жиналғандарды шабыттандырды. Балалар өздерін қызықтырған сұрақтарға жауап алды. Атақты спортшымен қарым-қатынас, балаларға көптеген жағымды эмоциялар қалдырды.