Мұхтар Әуезов атындағы мектебінің тарих пәнінің мұғалімі Сүлеймен Жәмиля Сабыржанқызы қалалық «Тіл шебері» байқауында 1 орын алып, ақшалай сыйлықпен марапатталды.

Байқаудың мақсаты – үш тілді: қазақ, орыс және ағылшын тілдерін жетік меңгерген шығармашыл жастарды қолдау, мемлекеттік тілдің мәртебесін арттыру, іскерлік және халықаралық қатынас құралы ретінде тілді меңгеру деңгейін анықтау, қазақстандық рухани бірлікті нығайту.

Байқау үш кезеңнен тұрды:
• «Елтаным» - Қазақстан тарихы, есте қалатын маңызды даталар, ұлы тарихи тұлғалар туралы сұрақтарға үш тілде жауап беру қажет болды;
• «Сөзтаным» - мақал-мәтелдерді оқу, орыс және ағылшын тілдеріндегі аудармасын айту, қазақ тіліндегі мақал-мәтелдің мағынасын ашу;
• «Ойтаным» - мемлекеттік тілде эссе жазу.

Байқауды Павлодар қаласының мәдениет және тілдерді дамыту бөлімі ұйымдастырды.

Жәмила Сабыржанқызын лайықты жеңісімен құттықтаймыз!