Мұхтар Әуезов атындағы мектебінің базасында «Бақытты балалық шақ» атты жазғы мектеп жанындағы лагері екі маусым бойы жұмыс жасады. 250-ден астам бала денсаулығын нығайтып, түрлі іс-шараларға қатысып қана қоймай, бейіндік топтарда танымдық-зерттеу жұмыстарымен де айналысты.

Мектеп жанындағы лагердің тәрбиеленушілері туған өлкенің әдет-ғұрпын, салт-дәстүрін, тарихы мен географиясын білді. Оларды тарихи-өлкетану мұражайына экскурсияға, кітапханаға бару, қызықты ойындар, сайыстар мен жарыстар күтті.

Балаларға әсіресе «Павлодар дарыны» жұмыспен қамту және балалардың дарындылығын дамыту орталығының «Жазғы POV – 2024» жазғы жобасы аясында өткізген іс-шаралар мен байқаулар ұнады.

Балалар жаңа білім алып, достасып, демалып, келесі оқу жылында жаңа нәтижелер мен жеңістерге жету үшін күш-қуат алды.

Келесі жылы мектеп жанындағы лагерінде кездескенше!