Қазақ тілі мен әдебиеті пәні апталығы аясында Мұхтар Әуезов атындағы мектепте «Қазіргі қоғамдағы қазақ тілі» және «Әдебиет – өмір айнасы» тақырыптары бойынша бірқатар іс-шаралар өткізілді.

«Қазіргі қоғамдағы қазақ тілі» бағыты бойынша «Менің тілім XXI ғасырда» интеллектуалдық ойыны және «Тіл қазына» атты аукцион-сайысы ұйымдастырылды. Мақсаты – мемлекеттік тілді насихаттау, оқушылардың қазақ халқының тарихы, мәдениеті мен салт-дәстүрі туралы білімдерін тереңдету болды.

«Әдебиет – өмір айнасы» бағыты бойынша «Ақын-жазушыларды танып біл» танымдық сағаты, Мұқағали Мақатаевты еске алуға арналған «Әр өлеңі – бір әлем» әдеби кеші, Бердік Соқпақпаевтың «Менің атым - Қожа» шығармасы бойынша әдеби BATTLE, Дулат Исабековті еске алуға арналған «Әпке» драмасының театрландырылған қойылымы өткізілді.

Барлық іс-шаралар оқушыларға ұмытылмас әсер қалдырып, қазақ тілі мен әдебиетінің ғажайып әлеміне, тарихы көне, мәдени мұрасы мол елге шынайы саяхатқа айналды.