Көрісу күні- туыстық және достық қарым-қатынасты нығайтатын, табиғаттың жаңаруы, көктемнің келуін паш етіп, 14 наурыз күні тойланатын қазақ халқының дәстүрлі мерекесі.

Ұзақ қыстан кейін қазақтар көрші ауылдарға барып, туған-туыстары, жақындарымен көрісіп,қыстан қалай шықандарын білісіп, жаңалықтарымен бөлісіп, жаңа кезеңді қуана қарсы алған. Сол себепті де Көрісу күні достықтың нығаю уақыты болып саналады.

Бұл күні көктемнің келуімен құттықтап бір-біріне қонаққа барысқан. Көне дәстүрді қолдап, Мұхтар Әуезов атындағы мектептің ұстаздары көрші 25 мектепке кіріп шықты.

Шашу шашылыл, мерекелік дастархан жайылды, домбыра тартылып, ән шырқалып, бір бірлерін Ұлыстың ұлы күні қарсаңында бірлесе еңбектенуге шақырып, достық орта құрып, ынтымақтастық пен зор денсаулық, шығармашылық шабыт, рухани байлық тіледі!