Орыс тілінде оқытатын мектеп оқушылары арасында өткізілетін  қалалық «Әй, жарайсың!» конкурсына №42 мектеп оқушылары шетте қалып қоймай, өз өнерлерін ортаға салып,осы сыннан сүрінбей өтіп, келесі финалға жолдама алды. Осы сайысқа  тек қана славян өкілдері қатысты. 5-6 сынып оқушылар арасынан қазақ тілінде біршама сөйлей алатын, көркі мен ақылы бір-біріне сай 6 қыз баланы таңдап алдық. Сайыс 3 кезеңнен тұрды.1 кезеңде ,яғни «Елім менің ержетті,20 жаста!» Еліміздің  осы күнге дейінгі жеткен жетістіктері туралы таныстыруды тақпақтатып,өлеңдетіп айтып берді. Финалға өткен қыздарымызға сәттілік тілейміз!