Мектебімізде 2013 жылдың ақпанның 27-күні 1-11 сыныптар аралығында М.Әуезов атындағы мұражайда мектепішілік «Абай оқулары» болып өтті.Кештің мақсаты: Абай шығармаларының тереңіне үңіліп, сұлулығы мен маңызын түсіну. Абайтану арқылы қазақтың даналығын, сөз өнерін, бай тілін тану. Абай ұлылығын сезіну болды. Мектеп оқушылары бұл оқуға белсене қатысты. Әсіресе, бастауыш сынып оқушылары ақын өлеңдерін мәнерлей оқып, әндерін шырқады. Кеш соңында Ұлы ақын Абай туралы бейнеролик көріп, ақын шығармаларынан құралған көрмені тамашалады.Оқуға белсене қатысқан оқушылар мақтау қағаздарымен марапатталды. Бірінші орынға ие болғандар қалалық сайысқа жолдама алды. Женімпаздарды құттықтап, қалалық сайыста жолдарыңыз болсын дейміз!