Жазғы бейінді лагерінің “Сәлем, жайма шуақ жаз, қызыққа толы демалыс!” ашылу салтанаты болды. Бейінді лагері бірнеше жасақтардан құралды. “Мен - патриотпын”, “Мен - көшбасшымын”, “Sunny English”, “Олимпиадалық мектеп резерві” жасақтары өз маусымын ашты. Жалпы күн лагердің жұмыс жоспарымен танысып, алда атқарылатын жұмыстарға жоспарлар құрылды.
Бізге қонаққа скауттар келіп, балаларға өздерін таныстырып, әр түрлі ойындар өткізді. Скауттардың мақсаты адамдарға жақсылық жасау, көмек көрсету. Балаларға скауттар қатты ұнады, олар да скауттардың қатарына қосылғылары келетінін айтты. 
“Тілге құрмет – елге құрмет” сайысында оқушылар өздерінің мемлекеттік тілде сөйлей алу шеберліктерін сынады. Өздерін таныстырып, өлеңдер оқып, мақал-мәтелдер айтып сайысқа түсті. 
Балалар-жасөспірімдердің экологиялық және туризм орталығына саяхатқа барып, балалар боулдеринг сабақтарына қатысты. Туристік-жаттығу соқпағынан өтіп, өздерінің ептіліктерін сынға салып көрді. 
Қазақ халқының қонақжайлығын барлық халықтар таныды десек де болады. Бейінді жасақтар да өзара бір-бірін қонаққа шақырып ұлттық тағамдар туралы, салт-дәстүрлері туралы айтып, дастарқан жайды. Біздің жасақ “Қымыз – ауруға ем, сауға - қуат ” дегендей “Қымыз-брейк” өткізсе, “Sunny English” жасағы ағылшындардың шай ішу дәстүрін көрсетсе, “Мен - көшбасшымын” жасағы өзбек халқының ұлттық тағамы - палау жасап, қонақтарға дәм татырды.
