Шахмат - бірегей білім беру құралы. Ол біздің еліміздің бағдарламасына жайдан жай енгізілмеген. Оларды ойын түрінде үйрену математикалық қабілеттерін, логикалық ойлауды, стратегиялық жоспарлаудың дағдыларын, өзін-өзі ұстауға, жауынгерлік қасиеттерін қалыптастыруға ықпал етеді.
 2018 жылдың 8 ақпан күні біздің мектепте ауыл әкімімен бірге «Мойылды шипажайының» АҚ қолдауымен Мойылды тұрғындарының арасында шахмат турнирі өтті.Турнирге әр түрлі жастағы спортшылар қатысты. Турнирге барлығы 30-дан астам әуесқой ойыншылар қатысты. Аталмыш турнир Павлодар облысының 80-жылдығына арналған.Турнир айналма жүйесі бойынша өткізілді, әрбір қатысушы 5 ойын атқаруы тиіс еді. Қорытындылай келе, турнирдің нәтиижесі былай болды: 1 орын – Қуантай Жібек №38 ЖНББ мектептің 3 «А» сынып оқушысы, 2 орын – Әуелбек Айбек, 3 орын – Сайдахметов Мағжан. Турнирдің барлық қатысушылары мен жеңімпаздары құрмет грамотасы және медальдармен марапатталды. Ал турнирдің басты жеңімпазына ауыспалы кубок бұйырды, ол жыл сайын турнирдің жеңімпазына тапсырылып отырады. Турнирдің барлық қатысушыларына шығармашылық табыс тілейміз.