Құрманғазы атындағы № 1 балалар музыка мектебінің жоғары сынып оқушылары хорының (жетекші К.В. Миронец, сүйемелдеуші Д.С. Масленников, соқпалы партия Б.Е. Перепелица) «Озорная весна» XXIII халықаралық интернет-конкурсына (Мәскеу қаласы) қатысуы ұмытылмас жарқын оқиға болды. Конкурс-фестивальдің басты мақсаты – жас таланттардың шығармашылығын жариялау, ұлттық мәдениетті сақтау және дамыту, өскелең ұрпақтың әлеуетін қалыптастыру. Интернет-конкурстар – шығармашылық қызметтің ерекше нысаны. Бүгінгі күні хор ұжымының жетекшісі және олардың тәрбиеленушілерінде өз қаласынан тысқары шықпай-ақ, халықаралық интернет-конкурсына қатысуға тамаша мүмкіндік пайда болды. Хор ұжымымыз Мәскеу қаласына «Chattanooga Choo Choo» (муз. Г. Уоррендікі, сөзі М. Гордондікі, аранж. М. Хаффтікі) шығармасынан өз өнерлерінің бейнеролигін жіберді. Қатысушылардың өнерін кәсіби қазылар алқасы бағалады: мәдениет саласында еңбек сіңірген қызметкерлер және үздік сарапшылар, Мәскеу және Санкт-Петербург қалаларының үздік ЖОО профессорлары, академиктері. Осы оқу жылы ұжымның шығармашылық өмірінде өте маңызды болды: жоғары сынып оқушыларының хоры жас музыканттардың 16 қалалық және 50 облыстық конкурсында Бас жүлдені иеленді. «Екі жұлдыз» үшінші жыл сайынғы қайырымдылық шоу-жобасына белсенді қатысты. Хор үшін әр өнер көрсету – ұмытылмас жарқын оқиға, талантты музыканттармен танысу, одан әрі шығармашылық және кәсіби деңгей үшін тұрақты ынта.