2016 жылғы 3 ақпанда Құрманғазы атындағы № 1 балалар музыка мектебінде № 43 мектеп оқушыларына арналған «Ән бояуы» тақырыбында музыкалық-педагогикалық дәріс өтті. Теориялық пән педагогы И.Г. Краснощекованың оқушыларды ән шығармашылығының жанры, стилі және түрлерімен таныстыру, музыка өнері туралы білімдерін тереңдету, талғамға тәрбиелеу міндеті табысты іске асырылды. Дәріс барысында фольклорлық, кәсіби және авторлық ән ерекшеліктері, әннің адам өміріндегі алар орны, ән жанрының дамуы, әннің шығу тарихы туралы ақпарат айтылды. Музыка мектебі оқушыларының орындауында қазіргі заман хиті, эстрада, джаз стиліндегі әндер, мультфильмнен әндер, түрлі стиль мен жанрдағы классикалық және халық әндері шырқалды, сонымен қатар, жеке орындаушылар және ансамбльдер (трио) әндерді әр түрлі тілдерде де айтып берді. Қатысушылар дәрісте ақпаратқа қызығушылық танытты, республикамызда және әлемнің өзге де елдеріндегі ән конкурстары мен фестивальдері туралы әңгімеге де белсенді қатысып, репертуардың әр түрлілігіне, шығармалардың орындалуына эмоционалды түрде жауап беріп отырды. Оқушылар дәріс барысында дүниетанымының баюы, талғам және стиль тәрбиесі, тыңдау мәдениеті және өз мамандығын таңдауға мүмкіндік алды.