Бүгін 8 маусымда Павлодар қаласының Құрманғазы атындағы № 1 балалар музыка мектебінің ғимаратының импровизациялық сахнасында «Мәңгілік елдің мәңгілік сарыны» музыкалық фестивальдің жабылуы өтті. Аталған іс-шара «Рухани жаңғыру» бағдарламасының «Жүз жылдық ішектер» жобасы шеңберінде өтті. Фестиваль бір сахнада өз шеберліктері мен фестивальдің концерттік алаңдарында орындау талантын көрсеткен шамамен 300 жас музыкантты жинады.
Құрманғазы, Тәттімбет, Естай, Нұрғиса Тлендиев, Дәулеткерей, Ықылас, Сейдолла Бәйтерековтың туындылары, заманауи әрленген қазақ күйлері мен ұлттық әндер шырқалды.
Қобызшылар, домбырашылар, вилончелистер, саксофоншылар, жетігеншілер ансамбльдері өз шеберліктері мен таланттарын көрермендерге ұсынды.
Қорытынды гала концерт жарқын ансамбльдік және жеке әншілер нөмірлерімен есте қалды. Фестивальдің финалдық аккорды қаланың музыка мектептерінің хор және ұжымдық оркестрлерінің ауқымды орындауындағы Сейдолла Бәйтерековтың «Сары арқа» туындысы болды. Орындау мәнері патриоттық көңіл-күй мен ұлттық нақышта шырқалуымен ерекшеленді.
Фестиваль жарқын, өзіндік ерекшелігімен өтті және ол барлық қатысушылар мен көрермендердің естерінде ұзақ қалатынына сенімдіміз. Осындай іс-шаралар фольклодың жан-жақты жанрларына деген қызығушылықты одан әрі дамытуға, заманауи көрермендер үшін жан-жақты қызықты өнер туындыларын жасауға мүмкіндік береді.
Осындай фестивальдер ұлы даланың ұлы музыкасын құрметтеу үшін қаланың барлық музыканттарын бір жерге жинайтын тағы бір дәстүрге айналуы тиіс.